Sykkylven Rotary Klubb, Klubbmøte, den 30. juni 2021 kl. 19.

Skrivar: Olav Pileberg

Siste møte i Rotary-året: President Knut Jarle Vik gav kjede og nål vidare til vår nye president, Roger Kornberg. Les referat.

President Knut Jarle Vik ønska alle vel møtt til årets siste møte, med 3-minutt, president-skifte og vinlotteri. Ingen gjester.

Informasjon: Presidenten orienterte om namnedag for Solbjørg og Solgunn. Året 1815 baud på at Høgsterett avsa den første dommen,- etter at dette øvste retts-nivået kom med i Grunnlova i 1814. I 1940 vart Kong Haakon VII oppmoda av «deler av Stortingets presidentskap, som ikke flyktet» om å abdisere. «Kongens NEI» kom 8. juli, i ei tale over radio.   Fødselsdag 1948 for skøyteløparen Dag Fornæss.  I ein og same sesong 1969 vann han både noregsmeisterskapet, europameisterskapet og verdsmeisterskapet samanlagt. Han er i dag 73 år, og bur på Hamar. 1994: NATO sitt hovudkvarter på Kolsås, Bærum, vart lagt ned.  Etter dette klart for… 
Allsong: Olav hadde – til ære for gammal og ny president – funne fram «Midt i alt som kan kløyve og skilje, Skal vårt Rotary knyte eit band…» av Henrik Straumsheim. Ein strålande Rotary-song! 

3-minutt:  Dagens 3-minutt kom frå Hallstein Lillevik: gjennom Korona-tida frå i fjor vår, har mange av oss lært seg å leve med «heimekontor». I einskilde bransjar har produktiviteten auka i denne perioden. DN (Dagens Næringsliv) viser til ei gransking som melder at 4 av 10 vil vidareføre ordninga med heimekontor. Kva blir «det normale» i framtida? I vårt 8-etasjers administrasjonsbygg midt i Oslo, flytter vi i Vy  ut av tre etasjar. Desse skal leigast ut til forsikringsselskapet Gjensidige. Hos oss i Vy vil vi praktisere «Clean desk», der ingen har fast plass, men loggar seg opp til nettverket der det er ledig plass i landskapet. For ei bedrift er det «vekkasta pengar» å ha for mange kontorplassar. DNB signaliserer at dei skal bygge om eigedomen sin i Barcode/ Operakvartalet i Bjørvika, til monaleg (50 %) færre kontorplassar, og satsar dessutan fram til å redusere reisinga til møte osb. med heile 50 prosent. Virtuelt på video gjev same resultat, til ein brøkdel av kostnadene. Andre store bedrifter med tusenvis av tilsette kommuniserer liknande bodskap. Liknande signal kjem frå kommunar og andre off. etatar. Kva vil så skje i framtida? Dagens ungdom tenkjer annleis enn vi tilårskomne. Det viktige er at jobben blir gjort! Sykkylven har omgrepet «bulyst»  - lyst til å bu – som eit av sine mantra for busetnad i kommunen. Jamfør her i møtet den 9. juni, då Åsne Folstad snakka om Reiselivsutvikling. Kan hende bør Sykkylven satse på utbygging av kontorfellesskap, der ungdom kan finne ein arbeidsstad for å tene bedrifta si – som kanskje er lokalisert ein heilt annan stad i landet… I Måløy bygger dei om ei sjøbu på fleire 1000 kvadratmeter «Peak Måløy» (kan googlast) til liknande formål. Tilflytting, bulyst, auka aktivitet; stikkord for dagens utbygging i ein kommune som vil vekst. Så langt Hallstein Lillevik, områdesjef Buss Midt-Norge i Vy.  

Matøkt: Kaffi og kaker kom så på bordet, velsmakande som alltid, og servert på  beste anti korona-vis. Sal av lodd i Vinlotteriet. (Skrivaren: det må vere råd å supplere gevinstane med alkoholfri vin, slik at vinnarane kan velje «alkoholfritt» om dei så ønskjer.)

Presidentskifte:

President Knut Jarle introduserte det høgtidelege skiftet av president med Rotary-song, dikta av Kårstein Blindheim: Vi kjem alle frå ulike yrke, og skal utveksle tankar og ord…  Tonefylgje av Olav P, piano.

Først vanka det stor takk og blomster til to som går ut av styret: Petter Velle og John Henrik Welle. Solid applaus! John Henrik har valt å gå ut av klubben, men han er hjarteleg velkommen attende når tida er inne for det.

Rotary-kjedet og ei Rotary-presidentnål vart så lagt på bordet, og medan klubbmedlemmene sto, lyfte Roger Kornberg kjeda i beste anti-korona stil på plass rundt halsen sin, som eit synleg teikn på sitt nye verv som President i Sykkylven Rotary Klubb 2021-2022.  Blomsterbukett høyrde også med.

Roger takka for tilliten. Applaus! Den nye presidenten håpa at vi i det nye rotaryåret vil komme attende til ei noko meir normal drift av klubben. Nye mål og organiseringa elles vil ein komme tilbake til etter ferien. President for Rotary International, 2021-2022, er Shekhar Mehta frå India.

Foldar med SRK sitt styre og stell for kommande år vart delt ut. Det vart nemnt spesielt at denne skrivaren, Olav P, etter mange år og eige ønske har gått ut av PR/ Info komitéen.

Første møte etter ferien blir 25. august. Kontakt-info til styret er å finne på medlems-foldaren, og elles på nettsida vår, www.sykkylven.rotary.no

Dermed gjekk siste møtet før sommarferien mot slutten. To heldige vinnarar av lotteriflaskene fekk som fortent, og møtet vart avslutta med songen «Jag tror, jag tror på sommaren» og president Roger sine gode ønske om «God sommar til alle!» Vi sjåast den 25. august

13. desember 2024

Besøk av Lene Trude Solheim frå NHO

Lene besøkte oss med foredraget: Næringslivets perspektiv - for utvikling og vekst. Vi fekk eit godt innblikk i kva NHO driv med og om næringslivets utfordringar i Møre og Romsdal.

15. november 2024

Sykkylven Røde Kors

Onsdag 13. november fekk vi besøk av Sykkylven Røde Kors ved Jon Erdal som fortalde om alt det flotte arbeidet dei gjer for bygda både innan omsorg og i hjelpekorpset. Vi fekk eit godt innsyn i det viktige arbeidet dei gjer.

22. oktober 2024

Hjelp Rotary med å utrydde polio nå!

Rotary held fram kampen mot polio –
Rotary-klubber verden over held fram kampen mot polio, og no har innbyggjarane i Stranda og Sykkylven ei unik moglegheit til å bidra. Ved å gi til lokalt Vipps-nummer 134399 kan du bidra.

20. oktober 2024

Høyr Bill Gates oppfordre oss til å bidra til Polioaksjonen

Hvert bidrag teller i kampen mot polio! Visste du at når du gir penger til Polio plus, tredobles effekten av din gave? For hver krone du gir, matcher Bill og Melinda Gates med to kroner. Sammen kan vi stoppe polio én gang for alle! Vipps til 134399

19. oktober 2024

Hjelp Rotary med å utrydde polio nå!

Fare for internasjonal spredning gjør fortsatt polio til en internasjonal folkehelsekrise, sier Verdens helseorganisasjon (WHO), som har som mål å utrydde polio innen 2027. Så lenge det fortsatt er i polio i verden, er det fare for spredning.

17. oktober 2024

Anita gir polio et ansikt

«Polio er en fryktelig sykdom», sier Anita. Det er smerter, lammelser, operasjoner, seinskader. Kort sagt mye «tapt liv». «Vi må gjøre alt vi kan for å utrydde Polio!», fortsetter hun.

18. mai 2019

Presidenten sin time

President Greta leia Presidenten sin time på beste vis, og fordelte orda mellom Geir Løseth, 3-minutt, og innkommande president Petter Velle, som orienterte om kommande Rotary-år 2019-2020

22. januar 2019

Med Terje Aurdal gjennom tre land, frå Grense - Jakobselv til Lindesnes.

Friluftsmannen Terje Aurdal besøkte Sykkylven Rotaryklubb og tok medlemmene med på ein forvitneleg tur på ski, på sykkel og i kano frå Grense - Jakobselv i Finnmark, gjennom Finland og Sverige til Sulitjelma og heilt til Lindesnes.

10. februar 2018

Presidenten sin time: Bastian fortel om besøk av 60 framtidige bønder.

Les referat frå Presidenten sin time med Vinlotteri.

11. januar 2018

Rotarymøte 10 . januar 2018:

Les referat av ordfører Odd Jostein si orientering om stoda i Sykkylven Kommune.