Sykkylven Rotary Klubb
Place content here
Sykkylven Rotary Klubb
President Knut Molnes ønskte velkomen, og nemnde nokre tidlegare hendingar på denne dagen 7. desember:
1936, Norsk dampskip «DS Gulnes» bomba i Sevilla, 1941 japanske fly angrip Pearl Harbour, 1949 Chiang Kai-shek opprettar republikken på Taiwan, 2002 stor Bybrann i Nordre Gate i Trondheim, 1701 Anders Celsius blir fødd, 1910 Louis Prima, og 1945 Marianne Heiberg, 1996 Rolf Hovden dør.
Namnedag: Halgeir, Halgerd, Bursdag: Knut Volstad, 84 år, Nytt Rotarymedlem: Svein Erik Kampenes
Olavs songval for møtet var «White Christmas».
Dagens 3-minutt var ved Bastian Weiberg Aurdal, med tema «Antibiotika og resistens»
Professor dr. Dag Berild, spes. i infeksjonssjukdomar ved OsloMet, har kalla antibiotikaresistens ein «langsam pandemi». Ved resistens blir menneske og dyr utsette for farlege infeksjonar, som ikkje kan behandlast. Bastian retta deretter fokus spesikfikt mot norsk landbruk, der ein bevisst har benytta lite antibiotika i husdyrproduksjon. Norge og Island er «best i klassa», og ser vi på antibiotikabruk for produsert kjøt, er innhaldet ca. 3 mg pr. kilo. Danmark har f.eks. 15 gonger meir, dvs. 44 mg pr. kilo, og Spania har 450 mg. Fiskeoppdrett på 80-talet og utover førte til ein god del fiskesjukdomar, og det vart stor bruk av antibiotika. Inspirert av USA vart det i 1995 starta aksjon i Norge for å minske bruken generelt. I 2015 kom det nasjonal strategi, følgt opp i 2016 med handlingsplan.
Dagens kåsørar Julie L. Lermo og Therese Hovland, fortalde om sin felles hjelpeorganisasjon «Gi glede».
Therese Stave Hovland, som er utdanna sjukepleiar, fortalde at deira «vegar kryssa kvarandre» for om lag eitt år sidan. Ho hadde drive med Ukraina-innsamlingar i mange år, og også besøkt landet, der det blei bygt barnehage og mødreheim med midlar innsamla av VGS. Gjennom organisajonar som Emanuel og Thabitas reiste ho til Latvia i 2019, der det er stor fattigdom særleg på landsbygda. I 2020 starta ho eiga verksemd, samla inn pengar til Thabitas, og eitt år seinare tok Julie kontakt, med formål å starte tilsvarande hjelpetiltak her i bygda. Vedtektene i «Gi glede» seier at formålet er å bidra til glede og inkludering for familiar som står i fare for å falle utanfor sosialt, økonomisk eller helsemessig. Samtidig vil dei fortsette arbeidet med Emanuel og Thabitas, så arbeidet er både lokalt og internasjonalt. Privat har både Julie og Therese og fleire i arbeidsgruppa for «Gi glede» av diverse grunnar falle utanfor det ordinære arbeidslivet. Dette gjer det imidletid mogleg å gi meir av si tid til hjelpearbeid. I desse tider driv dei og ordnar pakkar til Ukraina, med direkte adresse til Viktor Makarov, pastor i ei kyrkje på vestkysten av Ukraina. «Gi glede» har eit samlingslokale for sosial og kreativ aktivitet i tidl. Naturhistorisk Museum på Vik, ope onsdagar, dessutan lokale i brakkebygget på Tandstad skule, til mottak av div gåver; klede, sko leiker etc.
Julie Lermo har jobba som dagleg leiar på fleire barnehagar i bygda, har 3 døtre, der eldstejenta har slite med mykje smerter p.g.a. skoliose, skeiv rygg, og Julie er derfor heime på fulltid no. For ei tid sidan såg ho at «Fønix» skulle ha julefeiring. Dei ville gjerne ha gåveposar, ho kontakta lokale butikkar der givarviljen var stor, og ordna med mange julegåver. Den store gleda vart deira då dei såg kor stor glede det skapte hos mottakarane! Dette ville dei gjerne halde fram med! Ønskje om sosial kontakt i sin private situasjon førte til kontakt med Therese, og etter i fjor haust har dei jobba mykje saman. Til jul i fjor utvida dei til å drive med hjelpearbeid til trengande i bygda. Det var fleire som tok kontakt om hjelp, og fekk velje om dei ville vere anonyme mottakarar. Det vart gitt rikeleg frå privatpersonar og butikkar, og igjen mottatt med glede. Det meste har gått på mat og gåver til jul, og i år gjeld dette også flyktingar frå Ukraina. «Gi glede» har omsider presentert seg på Facebook, og er litt meir utadvende no. Dei er naturlegvis avhengige av inntekter og gåver for å yte hjelp; «Ein kan ikkje tøme frå ein tom mugge». På «senteret» på Vik er folk velkomne for prat og sosialt samvær, psykisk helse skal også ivaretakast! «Gi glede» samarbeider gjerne med parallelle hjelpeorganisasjonar.
Referent: Odd Holen
14. januar 2017
Les politimester Ingar Bøen sitt foredrag i Sykkylven Rotaryklubb der han orienterte om den nye Politireforma.
22. desember 2016
Les om det tradisjonelle Julemøtet i Sykkylven Rotaryklubb.
1. november 2016
Les og sjå bilde frå Sykkylven Rotaryklubb sitt bedriftsbesøk 26. oktober 2016
23. oktober 2016
Sjå og les korleis SRK valgte å markere denne dagen.
22. oktober 2016
Stranda Rotaryklubb inviterte til intercitymøte på Stranda Hotel, onsdag 19. oktober, i høve guvernørbesøk frå D 2305.
22. august 2016
Les om Daniel Pedroso som har kome den lange vegen frå Brasil til Sykkylven
2. august 2016
Les meir om den nye Verdenspresidenten på Nyhendesida vår.
7. juli 2016
Ny president i Sykkylven Rotary Klubb 2016-2017 er Steven Blindheim. Presidentskiftet var 29. juni, og 6. juli leia Steven sitt første ordinære rotarymøte. Mellom anna orienterte han om klubben, som nettopp har passert sine 60 år. Charterdato er 5. juli.
4. juli 2016
Bedriftbesøk til Rico Bil AS i Ålesund sto på programmet 13. april 2016. Vi vart tekne særs godt i mot av dagleg leiar Jorunn Lundanes og noverande konsulent Fred J. Rishaug. Han grunnla bedrifta i 1988 og sto for leiinga til 2014 då Jorunn tok over.
27. juni 2016
Sykkylven Rotary Klubb: Bedriftsbesøk 15. juni 2016 hos Nyborg AS, Sykkylven. http://nyborgfan.com/ Bedrifta produserer vifter og utstyr til ventilasjon i skip, oljeplattformer og alle leveransane blir "skreddarsydde" etter kunden sine behov.
Møtested: Bibliotekjelleren
Adresse: Pilgata 10, 6230 Sykkylven
Postnummer: 6230
Sted: Sykkylven
Land: NO
Møtedag: Onsdag
Møtetid: 19:00
Møtespråk: no
