President Knut Henning Aursnes ønskte velkomen, tende eit levande stearinlys og minte oss på Rotarys motto for året 2023-24: 

«Create hope in the World»!

Gjest i dag: Ilyas Degirmenci

Olav Pilebergs song for dette møtet var: «En sommer er over», presentert på skjerm av Kirsti Sparboe.

Bursdag: Geir Brekke 70 år, 17.sept.

Frammøteprosent for møtet 30.08.23 (ikkje registrert).

3-minutt ved Arild Sporsheim, tema «Kyrkjevalet 2023»

Dette er eit demokratisk val på soknerådsmedlemer, bispedømeråd og til kyrkjemøtet (kyrkjas Storting). Det var ordinær og digital røysting, oppslutninga var 21% på Ikornnes og 11% i Sykkylven sokn. Valapparatet er på mange måtar det same som for kommune-/fylkestingsval. Valde  medlemer for h.h.v. Ikornnes og Sykkylven sokneråd er lagt ut på kyrkjas heimeside, og desse tiltrer 1. november. Kyrkjeleg fellesråd er felles for dei 2 råda. Det vart ein god del spørsmål i samband med dette temaet.

Neste programpost var «Quiz om Rotary», gruppeoppgåve for kvart bord. Dette vart gjennomført samstundes med vinlotteri, servering, prat og Rotarykaffi. «Quiz`n» stilte fundamentale spørsmål om Rotary som følgjer:

A.    Kva spørsmål inneheld Firespørsmålsprøva?

B.    Kva sju fokusområde har Rotary?

C.     Skriv opp dei fem vegane for service

Heldige var dei gruppene som hadde med medlemkortet med «The four-way-test» og Rotarys lover og vedtekter på mobiltelefon. Ved referentens bord var vi heldige såleis, samt nærvær av past president Knut Molnes, som nettopp har oppdatert lover og vedtekter. Gruppa oppnådde 15 ½ poeng av 16 oppnåelege og vart vinnar! Mange grupper følgde like bak.

President Kut Henning ser det som si oppgåve å forbetre Rotaryopplevingane våre gjennom aktivitetar. Han refererte vidare til brev frå AG Greta Herje om framføring av Sykkylven Rotaryklubbs presentasjon under Guvernørbesøket i Volda. Stor takk til Knut Molnes for dette i presidentens fråver!

Det vart vidare vist ein liten filmsnutt frå Rotary sentralt, om korleis kvar enkelt kan få meir utav sitt Rotarymedlemskap. Rotary har pr.no 529 distrikt, 36926 klubbar og 1.170.000 medlemer.

Kvelden vart avslutta med trekning av vinlotteriet; 1 flaske alkoholfri raudvin og 1 flaske kvitvin!

Referent: Odd Holen

Publisert av Roald Mork 18. september 2023