Medlemsmøte 7 febr 2024 med Arild Solberg

Sykkylven Rotary Klubb, møte 07. februar 2024 i Banksalen.

Referat.

1.    Past-President Knut Molnes opna møtet, som vikar for president Knut-Henning. Han ønska velkommen til klubbmedlemmene og gjest Arild Solberg. Knut tende eit lys for fred i verda, etter verdspresidenten sitt motto: «Create Hope In The World». Så introduserte han «klubbtrubadur» Olav P, som…

2.    …leia allsongen, - spesielt utplukka i høve dronefotograf Arild Solberg sitt foredrag. «Kjenn ditt land-sangen» - Fra mitt trange, mitt stengende bur vil jeg ut i Guds frie natur. Jeg vil lære å kjenne mitt land, i fra Neset til Ishavets strand…» - ein song, nesten som skreddardikta til arbeidet som Arild driv med: å fotografere store deler av Noreg i drone-perspektiv; sett frå lufta.

3.    Sekretær Steinar Klokk refererte statistikk frå forrige møte, den 24. januar. 63% frammøte. Tillyst møte 28. januar vart utsett, på grunn av «Ingunn» - uvêret som sette vårt distrikt i unntaks-modus for nokre hektiske og uvanlege timar.

4.    3-minutt var også ved Steinar K.: Omorganisering i kommunen, - frå 2005 med 3-nivå som skulle endrast til 2-nivå: Rådmannen, no Kommunal-direktøren saman med sine 3 avdelings/ kommunal-sjefar på det eine nivået. Andre nivået blei då alle einingane som sine eigne, sjølvstyrte eingar. Dette betydde stor skilnad; frå den minste barnehagen med 7 årsverk, til «dei store», med 50-100 årsverk. (BUAS, ungdomsskulen, o.fl.) Ny omorganisering i prosess frå desember 2022 til juni 2023. For barnehagane medførte dette frå august -23 ei samanslåing til ei eining, der Steinar K. fekk jobben som einingsleiar for 50 tilsette, og med ca. 30 mill. kroner på budsjettet. Felles raud tråd: at alle barnehagane jobbar etter dei same verdiane mot dei same måla.

5.    Pause: mat og prat.

6.    Dronefotograf Arild Solberg fortalde om arbeidet sitt: å fotografere eller videofilme, etter oppdrag eller på eige initiativ – året rundt. Med foto som passion/ lidenskap i 35 år! Begynte å ta bilete som 8-åring. «Oppi lufta» frå 2008. Fotograferer og programmerer sjølv. Først med helikopter- «plattform», etter som dronene på den tida (2011) ikkje var bra nok. Oppdragsgjevar Statens Vegvesen har dei siste ti åra sytt for at Arild har nok objekt å filme/ fotografere. Også kulturavdelingar på fylkes- og nasjonalt nivå har oppgåver for Arild. Kvart av bileta er på ca 3 GB (Giga-byte = 3 milliardar bytes) I Noreg er det 300 drone-pilotar i den tyngste/ beste klassen. Arild er ein av desse. Han har løyve til å føre droner til 7000 m høgde over bakken. Alt blir fotografert opp mot GPS, slik at nøyaktig biletposisjon blir lagra. Når han så linkar posisjonane opp mot eit kart eller bilete, får han opp supplerande bilete frå same staden. Dette er å programmere opptaka – noko som er betydeleg meir tidkrevjande enn sjølve fotograferinga. Resultatet er rett og slett forvitneleg,- og det kan nytast på www.360aircam.com, http://360norway.net eller på www.arildsolberg.com om ein vil ha kontakt. Det er berre å setje seg ned og «leike seg heime», i følgje Arild. Den same opplevinga får ein i alle deler av verda, berre ein har nettverk. På Arild sine nettsider er alt ope og gratis, anten du vil nyte naturen i Noreg eller nordlyset som flammar over himmelen. «Hadde eg fått velje yrke ein gong til, ville eg ha valt akkurat det same!»

7.    Til slutt takka presidentvikar Knut for den særs interessante informasjonen som Arild ville dele med oss. Ei lita gåve frå klubben skifte eigar, og så var det takk for i kveld og vel heim.

Dr

Referent: Olav Pileberg

6. januar 2018

Presidenten sin time med Vinlotteri

Les Olav sitt flotte referat frå Presidenten sin time 3. januar.

6. januar 2018

Julemøte i Sykkylven Rotaryklubb.

Referat frå koselig julemøte 20. desember 2017

6. januar 2018

Rotarymøte 13.desember 2017

Les Olav sitt flotte referat med m.a. Lars Einar Riksheim sitt foredrag om Amtec.

6. januar 2018

Rotarymøte 6..desember 2017

Les Ragnar Kaland sitt foredrag om arbeidsplassen sin Laader Berg.

28. desember 2017

Presidenten sin time med Årsmøte

Les referat frå Årsmøtet

28. oktober 2017

Utvekslingsstudent Benjamin Stuen via skype frå Stord:

Les kva vår utvekslingsstudent frå Brasil hadde å berette via skype.

21. oktober 2017

Hjerte- lungeredning: Ved spesialsjukepleier Lisbeth Berit Gjerde:

Spesialsjukepleier Lisbeth Berit Gjerde heldt ei bokstavelig livsviktig foredrag om hjerte og lungeredning ved Rotarymøte 18. oktober.

12. oktober 2017

Guvenøren sitt årlige besøk hos Stranda og Sykkylven Rotaryklubb:

Sykkylven og Stranda Rotaryklubber fekk besøk av guvenør for D2305: Wictor Sandvold

6. oktober 2017

Presidenten sin time 4. oktober.

Les referat frå Presidenten sin time 4. oktober.

29. september 2017

Direktør ved Formfin Møbler, Vibeke Aanning Aarseth

Les referat frå Vibeke sitt møte med Sykkylven Rotaryklubb