Sykkylven Rotary Klubb
Place content here
Sykkylven Rotary Klubb
Sykkylven Rotary Klubb, møte 27. november 2024 i Biblioteksalen.
Referat.
1. Vikar-President Knut Henning Aursnes opna møtet, og ønska velkommen til klubbmedlemmene og gjest Tove Sperre frå Sykkylven Frivillig Sentral. Knut Henning orienterte om møteplanen, og overlet ordet og tonen til Olav P.
2. Han introduserte som allsong Julepresangen,- til og med med illustrasjon generert av ChatGPT; chat generative pre-trained transformer, må vite. 2024 har vore/ er framleis, året der vi bl.a. minnast at det er 100 år sidan Alf Prøysen vart fødd. Vi tòler difor godt ein song med litt nostalgi frå den tida då vi laga julepresangane sjølv,- slik som «Og det var vesle Jensemann, han strever dagen lang. Han snekrer på no’ spennende som snart skal bli presang…»
3. Sekretær Steinar Klokk refererte statistikk frå førre møte: frammøte 47% til konserten i kyrkja, der kantor Ola Eide m. fl. presenterte Suite nr.2 Opus 79, Utdrag av Job’s bok av Egil Hovland, som vi også har markert 100-års minne for i 2024. Bursdagsbarn Odd Holen kan feire 1. desember. Ei lita mistyding førde til betydeleg munterheit i møtelyden, men det heile roa seg, slik at 3-minutt kunne introduserast
4. 3-minutt var ved Knut Molnes. Han valde å informere om Artificial intelligence (AI) eller KI – Kunstig intelligens, på godt norsk. Han tok eit historisk tilbakeblikk gjennom ti minutt på litt av utviklinga dei siste 40-50 åra. Etter at OpenAI og ChatGPT kom https://en.wikipedia.org/wiki/OpenAI , har det heile «teke heilt av» slik at det no blir brukt – til og med av denne referenten til allsong illustrasjon på møta i Rotary!
5. Kaffi/ te, mat og prat.
6. Kveldens foredrag sto Tove Sperre for. Ho er leiar for Frivilligsentralen (FS) i Sykkylven kommune. Frå noverande lokasjon i Fønixhuset nær kommunehuset, er det meininga å flytte til huset der Biblioteket held til. FS er «ein uformell møteplass for alle, uavhengig av alder, kjønn eller posisjon.» Nye besøkande vert positivt overraska over kor kjekt og inkluderande det er å komme på besøk for ein halvtime eller meir, mellom klokka 10 og 16. Prisen for mat og drikke er svært rimeleg. Alle skal kunne ha råd til å «spandere på seg» eit kvart. Det heile er drifta av friviljuge, frå måndag til og med torsdag. Flyttinga til etasjen over biblioteket blir truleg i løpet av første halvår 2025. Alle er hjarteleg velkomne. Eit rådgjevande organ/ styre er med og påverkar drifta: 2 representantar frå Levekår, og 3 friviljuge; for tida Ole Ramstad, Susanne Olli Fauske (Speider), Gudrun Wangsmo (Stikk Ut). Frivilligsentralen tilbyd ei rekke aktivitetar, som i sum dekker heile spekteret frå førskule til pensjonist. Med andre ord tilbod med ei imponerande breidde! Informasjon kan ein finne på www.sykkylven.kommune.no Prøv stikkord: Frivilligsentral.
Så langt leiar for Frivillig-Sentralen, Tove Sperre frå Sykkylven kommune. Ho fekk både takk, gode ord og ei lita gåve frå vikarpresident Knut Henning, som deretter ønska oss alle vel heim.
Vikar-President Knut Henning Aursnes ønska medlemmer og gjest Tove Sperre velkomne til rotarymøte.
Knut Molnes heldt 3 minutt i ti minutt om Kunstig Intelligens.
Foto: Odd Holen
Leiar for Sykkylven Frivilligsentral, Tove Sperre, heldt foredrag om tilbod og innsats for drifting av sentralen.
Skrivar Olav Pileberg. Foto: OP
13. desember 2024
Lene besøkte oss med foredraget: Næringslivets perspektiv - for utvikling og vekst. Vi fekk eit godt innblikk i kva NHO driv med og om næringslivets utfordringar i Møre og Romsdal.
15. november 2024
Onsdag 13. november fekk vi besøk av Sykkylven Røde Kors ved Jon Erdal som fortalde om alt det flotte arbeidet dei gjer for bygda både innan omsorg og i hjelpekorpset. Vi fekk eit godt innsyn i det viktige arbeidet dei gjer.
22. oktober 2024
Rotary held fram kampen mot polio –
Rotary-klubber verden over held fram kampen mot polio, og no har innbyggjarane i Stranda og Sykkylven ei unik moglegheit til å bidra. Ved å gi til lokalt Vipps-nummer 134399 kan du bidra.
20. oktober 2024
Hvert bidrag teller i kampen mot polio! Visste du at når du gir penger til Polio plus, tredobles effekten av din gave? For hver krone du gir, matcher Bill og Melinda Gates med to kroner. Sammen kan vi stoppe polio én gang for alle! Vipps til 134399
19. oktober 2024
Fare for internasjonal spredning gjør fortsatt polio til en internasjonal folkehelsekrise, sier Verdens helseorganisasjon (WHO), som har som mål å utrydde polio innen 2027. Så lenge det fortsatt er i polio i verden, er det fare for spredning.
17. oktober 2024
«Polio er en fryktelig sykdom», sier Anita. Det er smerter, lammelser, operasjoner, seinskader. Kort sagt mye «tapt liv». «Vi må gjøre alt vi kan for å utrydde Polio!», fortsetter hun.
18. mai 2019
President Greta leia Presidenten sin time på beste vis, og fordelte orda mellom Geir Løseth, 3-minutt, og innkommande president Petter Velle, som orienterte om kommande Rotary-år 2019-2020
22. januar 2019
Friluftsmannen Terje Aurdal besøkte Sykkylven Rotaryklubb og tok medlemmene med på ein forvitneleg tur på ski, på sykkel og i kano frå Grense - Jakobselv i Finnmark, gjennom Finland og Sverige til Sulitjelma og heilt til Lindesnes.
10. februar 2018
Les referat frå Presidenten sin time med Vinlotteri.
11. januar 2018
Les referat av ordfører Odd Jostein si orientering om stoda i Sykkylven Kommune.
Møtested: Bibliotekjelleren
Adresse: Pilgata 10, 6230 Sykkylven
Postnummer: 6230
Sted: Sykkylven
Land: NO
Møtedag: Onsdag
Møtetid: 19:00
Møtespråk: no
