Presidenten sin time
Sykkylven Rotary Klubb; møte 1. oktober 2025. Presidentens Time,
President Kristin Grebstad ønska velkommen til klubbmedlemmene. Ingen gjester. Kristin minte om i dag: Den internasjonale vegetardagen, Eldredagen, og - frå salen: Kaffidagen og nasjonaldag i Kina. I tillegg: kraftig jordskjelv på Filippinane. Greta H. sa at i SMS melding frå Lone Christine Tynes Anderson, melde ho at ingen av deira på Bogo var skada. Dei slapp nokolunde «lett» frå skjelvet og etterskjelva. Vidare detaljar manglar. Oversyn for møtet:
· Allsong v/ Olav P: Første tur/ Det er lauvfallstid og lognt i alle lundar (Henrik Straumsheim) Tradisjon med denne songen på denne tida av året.
· Kunngjeringar frå sekretæren, Steinar Klokk.
· 3-minutt: Svein Erik Kampenes
· Rotarykaffi m/ vinlotteri
· Dagens program: Presidenten sin time
3-minutt ved Svein Erik handla om «endringar og utfordringar som kjem framover, i møbelindustrien». Nytt EU-direktiv: ECO-design and Sustainable Product Regulations: ESPR. Kva går det ut på? Det handlar om å skape eit Berekraftig rammeverk rundt alle produkt, også møblar. Hovudmåla er å auke holdbarheita, med enklare høve til å reparere eit produkt, og betre høve til å resirkulere delane i eit produkt,- som ein sofa eller ein stol. Alt med det føremål å redusere miljø- og karbonavtrykk, og såleis fremje den sirkulære økonomien – som alt frå skapinga har vore grunnleggande for det lukka økosystemet som vi lever i. Frå 2030 skal det innførast eit såkalla EU Digital Product Passport,-
Mat og prat pluss lotteri sto så på programmet. Kristin oppmoda medlemmene om å ta turen til Volda tysdag 7. oktober, til møtet med DG, DistriktsGuvernør Lidun Hareide. Greta meinte at ferja frå Hundeidvik kl.17 ville passe best. Det teiknar til å bli «ein bra delegasjon frå Sykkylven», i følgje Presidenten.
President orientering: styremøte i dag, før medlemsmøtet. Ymse saker: 1)Kva høyrer til fokusfeltet for dei ulike komitéane i Rotary-klubben? «Instruks» for komitéleiarane vil bli utarbeidd. 2) Polio-aksjonen er 24. oktober. Som i fjor vil Rotary «lyse opp Noreg» og i tillegg «sone 17 og sone 18» og «10-12 andre land». Målet er å markere Rotary sitt fokus på utrydding av polio, verda over. I Sykkylven vil Berli-huset bli lyssett frå kl.07. Gjennom dagen vil det bli ein plass ved huset for «drop in» av forbipasserande. Vi vonar på godt og lagleg vêr. Kryss av datoen i kalenderen og møt fram. 3) Leiarverv i Rotary; utfordringar med å få medlemmer til å ta på seg. Vi utarbeider ei liste over medlemmer som ikkje har vore president. Desse blir utfordra,- særleg med tanke på innkommande president for 2026/27. OPPFORDRING: Når Rotary legg ut saker på Facebook, vil verknaden bli mangedobla dersom medlemmene deler saka på si eiga side. Gjerne (helst!) som offentleg ,- slik at saka når alle, og ikkje berre vennane dine. Hugs også å klikke «liker». 4) Medlemsverving: - og korleis halde på nye medlemmer. På Hamar var det distriktskonferanse i september, og i følgje Kristin var dette ei av sakene. Medlemstalet går ikkje oppover,- snarare tvert i mot. Les programmet her:
Program distriktskonferanse 2025
«Endringsvilje» var eit av stikkorda for auke av medlemstalet. Kontakta med Nicolai Karlsen vil bli halden ved like, m.o.t. å nå ut på sosiale flater. 5) Moglege nye møtelokale. Styret arbeider med dette. 6) Diskusjon 5 min rundt borda: Kva kan vi gjere for å tiltrekke oss nye medlemmer? «Å vere synleg» - noko av det aller viktigaste. (Skrivaren refererer ikkje frå innspela av utsegnene rundt borda.) «Tenk yrkes-sektor for sektor», meinte eit medlem. Eit anna medlem: meir energi til å invitere folk til «ekstra gode møte» med allmenn interesse. Enno eit anna medlem: Rotary har lang tradisjon med speidar-support/ kontakt. Denne må vi blankpusse og halde fast på. 7) Vere opne for Samarbeid med andre grupper. 8) Jan F. minte om behovet for eit Rotary skilt utanfor møtelokalet. I dag manglar slikt skilt. 9) Bastian: I dag er Rotary ein enkel klubb å bli med i, utan særlege krav til kleskode o.a. «formalitetar». Vi kan godt seie at det er eit «lavterskel-tilbod.» som passar dei fleste, unge som eldre. 10) Sponsing av «Senior-treff» med 75 års jubileum. Rotary er ansvarleg for musikken… ikkje v/ Olav, men dyktige Lena Fet. 11) Distriktskonferansen på Hamar: Steinar K. og Kristin G. frå vår klubb. Motto: «Å gagne andre, i beredskap, i kultur og i krise.» Krise er nyss erfart i byen, med tanke på dei fire unge kvinnene som omkom i katastrofebrann. Matberedskap og digital beredskap: dagens nettverk er utsett for farer og sabotasje med stort potensiale for massive negative konsekvensar. Kongsberg-gruppen informerte om forsvars-beredskap. 12) Presentasjon av ymse prosjekt,- t.d. frå Nepal: auge-operasjonar på under fem minutt. 13) Kulturelle innslag og informasjon om Hamar-distriktet. Sagatun Folkehøgskule. Nytt kulturhus genererer interesse og arbeidsplassar.14) Rotary med nye regionar frå 2028. Spennande. 15) Årsmøtet gjekk radig og greitt. 16) Raufoss rotaryklubb hadde utvikla ei «beredskapskasse» med mat o.a. for ei veke til ein person. Til salgs gjennom klubben for kr. 1200,- som «Beredskapsvenn».
Så lang president Kristin Grebstad,- som elles minte om at neste veke er det Volda og DG-møte som gjeld. Ikkje møte i Sykkylven. Etter at to glade vinnarar hadde fått seg kvar si flaske etter lotteriet, var det takk for i kveld og vel heim.
Olav Pileberg, skrivar
26. april 2025
Kyrkjepark og Rotary-dugnad
Det nærmar seg både konfirmasjon og 17. mai, og tradisjonen tru stiller Sykkylven Rotary Klubb (SRK) opp med vårpuss i området ved kyrkja.
27. mars 2025
Medlemsmøter hos LK Hjelle 26 mars 2025
Bedriftsbesøket hos L. K. Hjelle Møbelfabrikk var frå starten av samling i møterom bak dei store og spennande glasflatene i arkitekturen som ein kunne sjå frå utsida. CEO dei siste fem åra, Jens Peter Brunstad, ønska velkommen til oss 23 frammøtte og pres
13. desember 2024
Besøk av Lene Trude Solheim frå NHO
Lene besøkte oss med foredraget: Næringslivets perspektiv - for utvikling og vekst. Vi fekk eit godt innblikk i kva NHO driv med og om næringslivets utfordringar i Møre og Romsdal.
15. november 2024
Sykkylven Røde Kors
Onsdag 13. november fekk vi besøk av Sykkylven Røde Kors ved Jon Erdal som fortalde om alt det flotte arbeidet dei gjer for bygda både innan omsorg og i hjelpekorpset. Vi fekk eit godt innsyn i det viktige arbeidet dei gjer.
22. oktober 2024
Hjelp Rotary med å utrydde polio nå!
Rotary held fram kampen mot polio –
Rotary-klubber verden over held fram kampen mot polio, og no har innbyggjarane i Stranda og Sykkylven ei unik moglegheit til å bidra. Ved å gi til lokalt Vipps-nummer 134399 kan du bidra.
20. oktober 2024
Høyr Bill Gates oppfordre oss til å bidra til Polioaksjonen
Hvert bidrag teller i kampen mot polio! Visste du at når du gir penger til Polio plus, tredobles effekten av din gave? For hver krone du gir, matcher Bill og Melinda Gates med to kroner. Sammen kan vi stoppe polio én gang for alle! Vipps til 134399
19. oktober 2024
Hjelp Rotary med å utrydde polio nå!
Fare for internasjonal spredning gjør fortsatt polio til en internasjonal folkehelsekrise, sier Verdens helseorganisasjon (WHO), som har som mål å utrydde polio innen 2027. Så lenge det fortsatt er i polio i verden, er det fare for spredning.
17. oktober 2024
Anita gir polio et ansikt
«Polio er en fryktelig sykdom», sier Anita. Det er smerter, lammelser, operasjoner, seinskader. Kort sagt mye «tapt liv». «Vi må gjøre alt vi kan for å utrydde Polio!», fortsetter hun.
18. mai 2019
Presidenten sin time
President Greta leia Presidenten sin time på beste vis, og fordelte orda mellom Geir Løseth, 3-minutt, og innkommande president Petter Velle, som orienterte om kommande Rotary-år 2019-2020