Nyhetsdetaljer

SYKKYLVEN ROTARYKLUBB, MØTE 22.09.21: TEMA «SPEIDERBO»

Oppmøte var utanfor «SpeiderboOppmøte var utanfor «Speiderbo» til vanleg tid kl.19.00, men denne gongen utan både Allsong og 3-minutt. Vi vart imidlertid godt motekne av troppsleiar Steinar Klokk og flokkleiar Marianne Fløttum. Dei orienterte om Speiderbos eigedom, eit relativt stort område, som utanom speidarhuset inneheld garasje/utebod, fleire gapahukar og «gamme» bygt av eigen skog på tomta. Dei ønskjer seg eigentleg tilleggsareal i form av omliggande skogsområde om dette er mogleg. På tomta er det dessutan minst 4 bålplassar, der patruljane kan møtast omkring elden. Der vi stod samla, var det bygt kvadratisk plasserte sittebenkar av halvt rundtømmer, fundamentert på Lecablokker og mellomlegg av trykkimpregnert plank. Det var oppmuntrande for oss frammøtte å høyre at dette var finansiert av gåve frå Rotary! Gjensidige har også vore spandable med gåve på 8 kanoar til speidarane!

Innomhus vart vi trakterte med kake og kaffi. Gruppeleiar Susanne Olli Fauske orienterte om «Speidermetoden - Oppskriften på god speiding». Sykkylven speidergruppe har tilsaman 100 speidarar (flokk og tropp) samt og 10-12 roverar, som er for ei noko høgare aldersgruppe (ferdige med ungdomsskulen). Økonomien i gruppa er basert på kontingent, og balanserer bra, men det inneber «sparing» dersom ein har plan for lengre reiser etc.

Aktivitetar er forutan møte på Speiderbo, trening i speidaraktivitetar, turar i nærområdet og reiser til landsleirar og leirar i utlandet. I år vart det p.g.a. Koronasituasjonen arrangert desentraliserte landsleirar rundt om i landet, m.a. i Velledalen, Sykkylven. Filmsnutt viste flott leir, +28 varmegrader fleire dagar, «haik» med overnatting i det fri, sceneopptreden av Sigrid Raabe og god organisering. - Eit vellykka arrangement av Sykkylven speidergruppe!

Referent Odd Holen

7. juli 2016

President i SRK 2016-2017. Klubben har passert 60 år.

Ny president i Sykkylven Rotary Klubb 2016-2017 er Steven Blindheim. Presidentskiftet var 29. juni, og 6. juli leia Steven sitt første ordinære rotarymøte. Mellom anna orienterte han om klubben, som nettopp har passert sine 60 år. Charterdato er 5. juli.