Nyhetsdetaljer

Medlemsmøte på Sykkylven Brannstasjon

Sykkylven Rotaryklubb var på besøk ved Sykkylven brannstasjon onsdag 10.12.2025 kl. 19:00.

Onsdag 10.12.2025 var Sykkylven Rotaryklubb på besøk ved Sykkylven brannstasjon.

Det vart ei informativ og interessant økt saman med Brannsjef Oddmund Grebstad og Fredrik Bakkedal som delte av kunnskapen sin om både beredskap og kvardagen i Brannvesenet. Arkitekten bak bygget, Odd Holen fortalte også om prosessen med å få brannstasjonen på plass, og kva det blei lagt vekt på då bygda skulle få eit moderne og framtidsretta anlegg.

Sykkylven brannstasjon blei opna i 2017.

Brannvesenet i Sykkylven har idag 4 som er utdanna som innsatsleiar. Det er 4 vaktlag, pluss eit reserve vaktlag. Stasjonen har 5 køyretøy. Totalt har dei eit mannskap på 29 personar.

I skrivande stund manglar Sykkylven brannvesen eigen førebyggjar.

Brannmester Gjermund Eidem er leiar for beredskapen.

Feiar er Kjetil Hansen. Begge to har kontor på Sykkylven brannstasjon.

Brannvesenet utfører følgjande arbeid:

Brann og redningsoppdrag.
Helserelatert bistand. (I 2024 21 oppdrag)
Trafikkulukker.
Bilberging.
Overflatevann i forbindelse med ekstrem ver.
Redning av dyr.
Øver Plivo saman med politi

Medlemmane fekk omvisning på brannstasjonen. Vi var innom treningsrommet og blei fortalt kva treningsprogram brannmannskap må igjennom for å vere godkjent. Deretter fekk vi omvisning av køyretøy og utstyr.

Tusen takk for at vi fekk kome på besøk og at vi fekk eit spennande innblikk i det viktige arbeidet Sykkylven Brannvesen utfører.

Skrivar:

Steven Blindheim

7. juli 2016

President i SRK 2016-2017. Klubben har passert 60 år.

Ny president i Sykkylven Rotary Klubb 2016-2017 er Steven Blindheim. Presidentskiftet var 29. juni, og 6. juli leia Steven sitt første ordinære rotarymøte. Mellom anna orienterte han om klubben, som nettopp har passert sine 60 år. Charterdato er 5. juli.