Referat fra medlemsmøte 25 okt med besøk av Ukrainske flyktninger

President Knut Henning Aursnes ønskte velkomen, tende sitt stearinlys, og minte om Rotarys motto for rotaryåret: «Create hope in the World»!

Gjester i dag: Arvid Blidheim, Bjørn Myklebust, Ilyas Degirmenci og Ingrid van der Welde.

Song for møtet: «Jeg folder mine hender små» av Thorbjørn Egner, i anledning FN-dagen i går.

Bursdagar: Oddbjørn Ramstad 82år, Øyvind Østvik 81 år, Per Ringdal 76 år, Steven Blindheim 62 år.

Frammøteprosent frå forrige møte, 52%.

3-minutt v/Hallstein Lillevik, med tema «Elektrifisering av transportbransjen og tilgang på energi»

I september i år var 87% av bilsalet el-bilar, og pr. no er 22% av landets bilpark elektrisk. Fylket vårt er faktisk også leiande på elektrifisering av ferger. No er dei store fergesamband elektrifiserte, og dei mindre kjem etter. Når det gjeld buss, er også el-bussar i ferd med å kome på banen. I 2026 er kravet 100% elektrifisering av alle bussar. Staumbehovet for dette vil tilsvare om lag 1300 einebustader. Batteriteknologi har vore ei stor utfordring, no er dette ikkje noko problem lenger, utfordringa er ladehastighet og tilgang på straum. Lading av eit vogntog vil f.eks. ta 6-8,9 timar. Problemet for vårt fylke er at vi har 40% underdekning av straumbehovet.

Besøk av ukrainske flyktningar

Rotaryklubben hadde denne gongen besøk av ukrainske flyktningar i Sykkylven; Inesa Vinivkova frå Odessa og Marharyta Lazarieva frå Kiev. 

Ved krigsutbrotet reiste Inesa først til Moldova med sitt barn, og kom deretter hit til landet. Mannen hennar kunne ikkje flytte p.g.a. krigen, og dei har ikkje sett kvarandre på 1 1/2år. Odessa som ho kjem frå, er ein by med vakre omgivnader og med mykje vakker arkitektur. Inesa har økonomisk utdanning, og jobba tidlegare i bank, no jobbar ho med undervisning av ukrainske barn i Sykkylven. 

Marharyta (Margot) kom til Norge på besøk til ei veninne ei veke før krigen braut ut. Ho er frå Kiev, ein storby svært forskjellig frå Sykkylven. Ho har fått henta hit ei søster og bur saman med henne.  Men resten av familien er i Kiev. Ho prøver å starte eit nytt liv her. Ho har tidlegare jobba med media, reklame, influensarar etc. og har no jobb i ungdomsskulen med ukrainske elevar.

Dei trudde begge først at det var svært vanskeleg å lære norsk, men det går ganske bra. Begge ser imidlertid på opphaldet i Norge som midlertidig, og vil tilbake til Ukraina når krigen er slutt. Dei har stor tillit til president Volodymyr Zelensky!

Referent: Odd Holen

14. januar 2017

Politimester Ingar Bøen:

Les politimester Ingar Bøen sitt foredrag i Sykkylven Rotaryklubb der han orienterte om den nye Politireforma.

22. desember 2016

Julemøte i Sykkylven Rotaryklubb 21.des. 2016.

Les om det tradisjonelle Julemøtet i Sykkylven Rotaryklubb.

1. november 2016

Lars P. Riksheim Treindustrier

Les og sjå bilde frå Sykkylven Rotaryklubb sitt bedriftsbesøk 26. oktober 2016

23. oktober 2016

Verda sin poliodag 24. oktober

Sjå og les korleis SRK valgte å markere denne dagen.

22. oktober 2016

Guvernørbesøk og to nye medlemmer i SRK

Stranda Rotaryklubb inviterte til intercitymøte på Stranda Hotel, onsdag 19. oktober, i høve guvernørbesøk frå D 2305.

22. august 2016

Utvekslingsstudent frå Brasil til Sykkylven

Les om Daniel Pedroso som har kome den lange vegen frå Brasil til Sykkylven

2. august 2016

Verdenspresidenten i Rotary 2016/2017: John F. Germ

Les meir om den nye Verdenspresidenten på Nyhendesida vår.

7. juli 2016

President i SRK 2016-2017. Klubben har passert 60 år.

Ny president i Sykkylven Rotary Klubb 2016-2017 er Steven Blindheim. Presidentskiftet var 29. juni, og 6. juli leia Steven sitt første ordinære rotarymøte. Mellom anna orienterte han om klubben, som nettopp har passert sine 60 år. Charterdato er 5. juli.

4. juli 2016

Rico Bil AS: Blomstrande bedrift med bil i fokus!

Bedriftbesøk til Rico Bil AS i Ålesund sto på programmet 13. april 2016. Vi vart tekne særs godt i mot av dagleg leiar Jorunn Lundanes og noverande konsulent Fred J. Rishaug. Han grunnla bedrifta i 1988 og sto for leiinga til 2014 då Jorunn tok over.

27. juni 2016

Bedriftsbesøk til Nyborg AS

Sykkylven Rotary Klubb: Bedriftsbesøk 15. juni 2016 hos Nyborg AS, Sykkylven. http://nyborgfan.com/ Bedrifta produserer vifter og utstyr til ventilasjon i skip, oljeplattformer og alle leveransane blir "skreddarsydde" etter kunden sine behov.