Sykkylven Rotary Klubb
Place content here
Sykkylven Rotary Klubb
SYKKYLVEN ROTARYKLUBB, MØTE 10.01.24: «SUNNMØRSALPANE SKIARENA, FJELLSETER»
President Knut Henning Aursnes ønskte velkomen, og minte om Rotarys motto for rotaryåret: «Create hope in the World»!
Song for møtet: «Sommerfuggel i vinterland» av Halvdan Sivertsen
Frammøteprosent frå forrige møte; 67%
Bursdag: Hallstein Lillevik 60 år den 14.01.24
3-minutt ved Rolf Hjellegjerde: Eit trist år for han sjølv og broren Oddvar
Dei opplevde begge å miste sine ektefeller, først Oddvar som miste Karianne etter slagtilfelle, og 3 månader seinare døde Helga av kreft. For kort tid sidan var ho så sprek at ho besteig Kilemanjaro i Tanzania, men så kom sjukdomen.
Mange gode vener har vist si støtte til Rolf etter dette, og Rotarymøta har vore svært viktige seier han. Rolf og broren Oddvar har no bestemt seg for reise til Thailand for å besøke Oddvars son Nils Gunnar, som har budd der i 25 år. Nils Gunnar starta møbelfabrikken IMG, og dreiv den i 10-12 år, selde til Ekornes, og har no starta ny bedrift i Thailand med namn «H2 sitting», og med 120 tilsette.
Dagens tema var Sunnmørsalpane skiarena, Fjellsetra
Dagleg leiar Eivind Fet introduserte marknadsansvarleg Arnt Tore Røe, som framførte presentasjonen.
Selskapet vart skipa i 1969 under namnet Fjellseter Skisenter PL, og var i drift frå 1970 med trekk som kunne føre skientusiastar 1034 meter opp Sætrefjellet. Drifta var reint sesongbasert, utan særlege framtidsplanar.
I den seinare tid har rådgivningsfirmaet Norconsult blitt kontakta, for å kome med utviklingsplanar tilpassa Fjellseters stad og situasjon. Norconsult har hatt synfaring på staden og mottatt kart, teikningar og bakgrunnsmateriale. Skiarenaen har 14 alpintracear, 5 skitrekk og Terrengpark retta mot familiar. Fjellsetra ser seg ikkje som ein konkurrent til Strandafjellet, men er meir familieretta, og innstilte på samarbeid med Strandafjellet.
Rapporten frå Norconsult anbefaler 5 viktige utviklingspunkt:
Anleggsveg til alle punkt i området som krev vedlikehald
Forlenging av familietrekket
Utviding av terrengparken
Bearbeiding av tilkomstområdet med parkeringsplass (sjå teikning)
Utvikle arenaen for bruk sommarsesongen
Kostnadsramme for realisering av desse punkta er berekna til 35-40 mill. kr.
Rapporten har blitt presentert for Sykkylven kommune, og Sunnmørsalpane skiarena er stolte av å ha drifta eit skitrekk kontinuerleg utan konkurs sidan 1970.
Referent: Odd Holen
14. januar 2017
Les politimester Ingar Bøen sitt foredrag i Sykkylven Rotaryklubb der han orienterte om den nye Politireforma.
22. desember 2016
Les om det tradisjonelle Julemøtet i Sykkylven Rotaryklubb.
1. november 2016
Les og sjå bilde frå Sykkylven Rotaryklubb sitt bedriftsbesøk 26. oktober 2016
23. oktober 2016
Sjå og les korleis SRK valgte å markere denne dagen.
22. oktober 2016
Stranda Rotaryklubb inviterte til intercitymøte på Stranda Hotel, onsdag 19. oktober, i høve guvernørbesøk frå D 2305.
22. august 2016
Les om Daniel Pedroso som har kome den lange vegen frå Brasil til Sykkylven
2. august 2016
Les meir om den nye Verdenspresidenten på Nyhendesida vår.
7. juli 2016
Ny president i Sykkylven Rotary Klubb 2016-2017 er Steven Blindheim. Presidentskiftet var 29. juni, og 6. juli leia Steven sitt første ordinære rotarymøte. Mellom anna orienterte han om klubben, som nettopp har passert sine 60 år. Charterdato er 5. juli.
4. juli 2016
Bedriftbesøk til Rico Bil AS i Ålesund sto på programmet 13. april 2016. Vi vart tekne særs godt i mot av dagleg leiar Jorunn Lundanes og noverande konsulent Fred J. Rishaug. Han grunnla bedrifta i 1988 og sto for leiinga til 2014 då Jorunn tok over.
27. juni 2016
Sykkylven Rotary Klubb: Bedriftsbesøk 15. juni 2016 hos Nyborg AS, Sykkylven. http://nyborgfan.com/ Bedrifta produserer vifter og utstyr til ventilasjon i skip, oljeplattformer og alle leveransane blir "skreddarsydde" etter kunden sine behov.
Møtested: Bibliotekjelleren
Adresse: Pilgata 10, 6230 Sykkylven
Postnummer: 6230
Sted: Sykkylven
Land: NO
Møtedag: Onsdag
Møtetid: 19:00
Møtespråk: no
