Sykkylven Rotary Klubb
Place content here
Sykkylven Rotary Klubb
Referat.
1. President Knut-Henning opna møtet, og ønska velkommen til klubbmedlemmene. Han tende så eit lys for fred i verda, etter verdspresidenten sitt motto: «Create Hope In The World». Så introduserte han «klubbtrubadur» Olav P, som…
2. …før allsong mimra om 1994, då Ullavik skule den 2. november feira 20 års jubileum «med brask og bram.» Elisabeth «Bettan» Andreassen (f. Andreasson) var invitert, og stilte med Rolf Løvland, mannen bak melodien til «Danse Mot Vår». 6.-klassing Caroline Harstad hadde teikna fint diplom, og Elisabeth vart høgtideleg utnemnd til æreselev ved Ullavik skule. Det «dryppa på klokkaren» også, med det klubbtrubadur Olav P vart bydd opp til å svinge seg i «valsen mot vår» med sjølvaste «Bettan» og med Rolf ved keyboardet. Den dansen gløymer OP aldri! Presidenten ymta om at songen kunne takast opp att den 30. oktober, nærast råd 2. november. Vi får sjå!
3. Sekretær Steinar Klokk refererte statistikk frå forrige møte, frammøte 70%, og dessutan kommande bursdagsbarn, Arild S., som fyller 47 den 21., på søndag.
4. 3-minutt var ved Ilyias Degirmenci,- hans første 3-minutt i SRK. Han sa til å begynne med at han treivst godt som rotarymedlem. Møta gav han høve til god kontakt med andre og fri frå jaget på jobben som konsernleiar. Ilyias brukte tida til å informere om sitt og kona Varvara Degirmenci sine tiltak og eigarskap i Ib.Degirmenci Eiendom AS, i tillegg til å vere familiefar og som far til to barn. Etter kvart har tiltaka og eigarskapa blitt mange, noko eit av bileta/ konsernskjema, tydeleg viser. I 2014 opna han og kona Pizzabakeren i Sykkylven. Etter ei tid med krevjande økonomi og drift, meiner han no å kunne stå mykje tryggare, med fleire bein å stå på, og med definitivt grøn farge på botnlina.
5. Presidenten informerte om tilsend e-post frå Inger J. Riksheim, via Steven Blindheim, om vakter til Open storhall, avslutning, med oppmøte 26.04.24 kl. 18 i vestibyla på storhallen. Medlemmene melder seg til Presidenten. Det er snakk om vanleg fordeling, med vaktøkter på eit par timar. Nils Arve minte om påmelding, gjerne med følgje, på turen 26. mai.
6. Pause: mat og prat. Roald mat er god mat!
7. Ingrid van der Velde, innflytt frå universitetsbyen (med universitet frå 1600-talet) Franeker i Nederland. Ho fortalde i sitt ego-foredrag om sitt og familien sitt liv som tilflyttarar til Sykkylven. «Byjente med kamera på Sunnmøre», som det står på eit bilde. Faren i Franeker jobba med fotografering, og slik fekk Ingrid inn fotografering etter inspirasjon frå pappa, som hadde mørkerom på loftet. Ho fekk også overta hans store samling av fotografi. Som 17-åring tok Ingrid utdanning som sjukepleiar. Studenten kunne velje mellom A,- å bli sjukepleiar på sjukehus, B,- å studere psykiatri,- eller C,- funksjonshemmingar/ åtferdsvanskar. Ho tok først C utdanning, og deretter B. Nysgjerrig som ho var, utvida ho med å ta ein bachelor grad i sosialt arbeid, 1998. Dermed låg vegen open til ny jobb, relatert til ISO-sertifisering i helsevesenet. ISO-sertifikat er eit kvalitetsstempel og dokumentasjon for god utvikling innan eit område eller ei bedrift. Dette jobba ho med i seks år, på lokalt, regionalt og nasjonalt nivå. «Helseplattformen» her i Helse Midt, jobba ho med alt for 25 år sidan! (Sjølvsagt ikkje med plattformen frå EPIC i USA!) Deretter reiste nysgjerrige ho og familien til Noreg, og hamna i Sykkylven, sidan her fann mannen André Spoelstra seg arbeid. Ho, som sjukepleiar, kunne få seg jobb over alt! Eldstejenta Nynke Spoelstra kom i 2000. Femke kom i 2004. Så fekk Ingrid ein diagnose med alvorleg, livstrugande svangerskaps-forgifting,- som ho vart frisk av, men som alt i alt vart «drivarar» til å prøve «noko heilt nytt», gjerne med pastoral/ landleg profil, utan stress. Ingrid Velde måtte revurdere kva som var viktig i livet, og det var IKKJE å vere med i the RAT RACE i Franeker. Svaret vart altså desember 2005, tre veker før Femke fylte eitt år: Sykkylven/ Klokkehaug og Hundeidvik! Og takk for det, seier vi her i kommunen, men Ingrid måtte starte frå scratch! Som innvandrar har det gått veldig bra, seier Ingrid. Referenten OP innser no at han kanskje burde brukt KI/ kunstig intelligens, for å få eit referat innanfor ei overkommeleg ramme,- men for særleg interesserte har vi heile foredraget på MPEG-4 fil, med interessant framføring om livet på Møre. Nyleg debuterte ho som forfattar, med ei lita bok om Å LØFTE BLIKKET I EN DRÅPE: ei bok om dråpefotografering, noko som ho har oppdaga, utvikla og blitt kjend for sidan ho flytte hit. Sjå dei vedlagde bilda, som NB! ikkje held kvaliteten til originalbilda. Levebrødet, jobben som tilsett i kommunen, er også godt innanfor hennar kompetanseområde, og utgjer eit verdfullt bidrag for kommunen sine tilsette og hjelpetrengande.
8. Til slutt takka president Knut-Henning for dei særs interessante innslaga, både 3-minutt og ego-foredrag, og så var det takk for i kveld og vel heim. Referent: Olav Pileberg
13. desember 2024
Lene besøkte oss med foredraget: Næringslivets perspektiv - for utvikling og vekst. Vi fekk eit godt innblikk i kva NHO driv med og om næringslivets utfordringar i Møre og Romsdal.
15. november 2024
Onsdag 13. november fekk vi besøk av Sykkylven Røde Kors ved Jon Erdal som fortalde om alt det flotte arbeidet dei gjer for bygda både innan omsorg og i hjelpekorpset. Vi fekk eit godt innsyn i det viktige arbeidet dei gjer.
22. oktober 2024
Rotary held fram kampen mot polio –
Rotary-klubber verden over held fram kampen mot polio, og no har innbyggjarane i Stranda og Sykkylven ei unik moglegheit til å bidra. Ved å gi til lokalt Vipps-nummer 134399 kan du bidra.
20. oktober 2024
Hvert bidrag teller i kampen mot polio! Visste du at når du gir penger til Polio plus, tredobles effekten av din gave? For hver krone du gir, matcher Bill og Melinda Gates med to kroner. Sammen kan vi stoppe polio én gang for alle! Vipps til 134399
19. oktober 2024
Fare for internasjonal spredning gjør fortsatt polio til en internasjonal folkehelsekrise, sier Verdens helseorganisasjon (WHO), som har som mål å utrydde polio innen 2027. Så lenge det fortsatt er i polio i verden, er det fare for spredning.
17. oktober 2024
«Polio er en fryktelig sykdom», sier Anita. Det er smerter, lammelser, operasjoner, seinskader. Kort sagt mye «tapt liv». «Vi må gjøre alt vi kan for å utrydde Polio!», fortsetter hun.
18. mai 2019
President Greta leia Presidenten sin time på beste vis, og fordelte orda mellom Geir Løseth, 3-minutt, og innkommande president Petter Velle, som orienterte om kommande Rotary-år 2019-2020
22. januar 2019
Friluftsmannen Terje Aurdal besøkte Sykkylven Rotaryklubb og tok medlemmene med på ein forvitneleg tur på ski, på sykkel og i kano frå Grense - Jakobselv i Finnmark, gjennom Finland og Sverige til Sulitjelma og heilt til Lindesnes.
10. februar 2018
Les referat frå Presidenten sin time med Vinlotteri.
11. januar 2018
Les referat av ordfører Odd Jostein si orientering om stoda i Sykkylven Kommune.
Møtested: Bibliotekjelleren
Adresse: Pilgata 10, 6230 Sykkylven
Postnummer: 6230
Sted: Sykkylven
Land: NO
Møtedag: Onsdag
Møtetid: 19:00
Møtespråk: no
