Etter Rotarykaffi og farlig gode sjokoladekaker, var det veterinær Hanna Fredriksen sin tur å halde foredrag om «Sledehundeløp i Finmark og Alaska».

Løpet i Finnmark er på 1100 km og varer i 6 døgn, medan Iditarod i Alaska er på 1500 km og varer i heile 9 døgn.

Hanna si oppgåve er å vere løpsveterinær og ta seg av hundehelsa. Dette er ein tøff og utfordrande jobb. Før løpet, og ved kvart sjekkpunkt, får hundane ein helsesjekk. I Finnmark er det 23 veterinærer på ca. 1500 hunder. Dette gir ca. 500 til 600 hundesjekk pr. veterinær. Det blir ofte 20 timers arbeid pr. døgn, og gjerne ned til minus 40 grader. Det er veldig viktig at hundekjører og veterinær samarbeider. Hundehelsa skal kome i første rekke.

Hanna fortalte at ho var veldig fasinert av hundane som blir brukt i løpa: Nemleg Alaskahuskier. Dette er ein blandingsrase med god pels, stor utholdenhet og som spiser bra. Dei blir rekna som verdas mest utholdande landpattedyr. Oksygenopptaket er på 250 ml.O2pr. min.pr kilo kroppsvekt.   Lance Armstrong og Bjørn Dæhlie hadde på sitt beste 80 til 90 ml.

Hannen er ein god del større enn hoa. På eit bilde såg vi ei tispe som veide 18 kg. og ein hanne som veide 32 kg. Ei utfordring er å få i hundane nok mat. Under løpet forbrenn dei ca. 500 kcal pr. time. Det går då med mellom 8000 til 12000 kcal i døgnet. I Alaska blir maten blir levert med fly til dei ulike sjekkpunkta. Om dette er tilfelle i Finnmark er ikkje referent sikker på. Mat får dei sjølsagt, uansett transportmåte.

Det er eit stort apparat som må til for at desse arrangementa skal gå av stabelen. Det er masse frivillige som stiller opp, i Finnmark 600 mennesker i 10 dager. Køyrarar og medhjeparar bur privat og Hanna skryter av at servicen er fantastisk.

Så er spørsmålet om kvifor hundesledeløp når ein tenker på slitet og frysinga som ligg bak?

-          Hanna fortel at dette er på grunn av fasinasjon for hunder.

-          Det er som ein «ferie», med frivillig arbeid.

-          Her får ein møte andre veterinærer i ei internasjonal atmosfære.

-          Ein får utveksle erfaringer og får ny lærdom innan sportsmedisin for hunder. I det heile, så er hundesledeløpa og det som følger med, ei kulturreise.

Hanna fortel at 17. mars neste år,   reiser ho til Alaska med Team Dagali og 17 hunder. Då skal dei delta i det omtalte hundeløpet Iditarod. Vi ønsker Hanna lykke til, og takker for eit svært interessant foredrag. Etter fordraget var det stort engasjement med masse spørsmål som Hanna svarte på så godt ho kunne.

Referent Jarle Svindseth 

Publisert av Jarle Svindseth 12. november 2016