Sykkylven Rotary Klubb
Place content here
Sykkylven Rotary Klubb
«Det er vårdag i skogen, det spretter og gror, og sangen du hører er fuglenes kor…» Ja, Torbjørn Egner kan få sagt det! Alle vi andre kan tralle det og sanse vårstemninga både på eigen grunn og, til dømes i Kyrkjeparken. Den årvisse Rotary-dugnaden har tretti års tradisjon, minst, og i løpet av eit par timar skifter området klednad frå vinter-ruske-kostyme til vakker vår-kolleksjon i området rundt leikeplassen og ved innkøyringane til kyrkja.
Samarbeid
Dei siste åra har Sykkylven kommune stilt med traktor og romsleg hengar som rommer det klubbmedlemmene vinn å samle saman på to timar; hovudsakleg visna greiner, lauv og ugras. Kyrkja held med trillebårer, og rotaryanarane det som elles trengs av reiskapar. Vel og bra. I tillegg poppar det opp på dataskjermen «Del din kjærlighet til planeten for Earth Day», Jordens dag. Dette er som eit globalt samarbeid med siktemål å rydde opp i nærmiljøet,- til dømes i fjøra langs fjorden. Her vil Rotary-klubbane rundt i landa vere med og ta eit tak. SRK har fokus også på dette tiltaket.
Arbeidslyst, humør og kompetanse
Det er nokså tydeleg at medlemmene i rotaryklubben har ein god del eigenpraksis i hagestell på eigen grunn. Arbeidet går med liv og lyst, fynd og klem, og på den kommunale hengaren vert smilet breiare og breiare etter kvart som lass på lass frå trillebårene fyller opp mellom karmane. Greta Herje, med tillit på øvste nivå i Distrikt 2305 som District Trainer/ Executive Secretary og med tilgang på det meste innan Rotary International (RI), tykkjer SRK er ein godt driven klubb som gjennom året har gode program og bedriftsbesøk i tillegg til dei ulike prosjekt som klubben støttar. Ho opplyser dessutan at RI omfattar 45000 klubbar i 200 land og geografiske område.
Fotografering, Kaffipause og matbit
Fotografen er bestemt: ikkje kaffi før den felles fotograferinga er på plass! Dermed blir den obligatoriske formaliteten unnagjort i ein fei og matfreden kan senke seg saman med hyggeleg prat - i takt med inntak av nysteikte sveler frå Kjellaug Roald og ny energi til «finaleomgangen» av arbeidsinnsatsen denne vakre onsdags vårkvelden. Heilt etter Rotary sitt motto: «Service Above Self».
Dei tjue frammøtte frå venstre: Roger, Kristian Aurdal Wales, Petter, Ilyas, Svein Erik, Jan, Rolf, Bjørg, Linda, Geir, Odd, Ingrid (bak), Knut Martin, Greta, Olav, Arild, Helge, Øyvind, Knut Jarle, Bastian.
Ingrid Velde med velfylte termoskanner til matpausen. Bjørg som bar svelene, var alt i sving med neste oppgåve.
Ingen mangel på rusk til trillebåra, meiner Svein Erik og Rolf.
Prosjektleiar Knut Jarle Vik styrer feiemaskinen, medan Greta Herje, Linda Aurdal Wales og sonen Kristian (ved lyktestolpen) held seg til rivene. NB: i går, torsdag, vart det sett i gong RYLA samling over tre dagar i Ålesund. Dette er i regi av Rotary, som leiar-trening for lovande ungdommar. Kristian og ein til tek del frå SRK.
Edelgranene hadde også bruk for litt «frisering» av uønska greiner. Arild med motorsag er «frisørmeister» medan Karl Johan ser til at resultatet blir bra.
Stig ser til at vesle Dagny har det supert på leikeplassen.
Bjørg har profesjonelt drag på plenriva!
Rolf, Petter og Knut Martin har ingen problem med å fylle trillebåra.
Ein halv time før slutt, tek hengaren til å fyllast opp. Geir, Rolf, Bastian (delvis skjult) og Kristian tømmer lett enno eit lass oppi.
Referent: Olav Pileberg
26. april 2025
Det nærmar seg både konfirmasjon og 17. mai, og tradisjonen tru stiller Sykkylven Rotary Klubb (SRK) opp med vårpuss i området ved kyrkja.
27. mars 2025
Bedriftsbesøket hos L. K. Hjelle Møbelfabrikk var frå starten av samling i møterom bak dei store og spennande glasflatene i arkitekturen som ein kunne sjå frå utsida. CEO dei siste fem åra, Jens Peter Brunstad, ønska velkommen til oss 23 frammøtte og pres
13. desember 2024
Lene besøkte oss med foredraget: Næringslivets perspektiv - for utvikling og vekst. Vi fekk eit godt innblikk i kva NHO driv med og om næringslivets utfordringar i Møre og Romsdal.
15. november 2024
Onsdag 13. november fekk vi besøk av Sykkylven Røde Kors ved Jon Erdal som fortalde om alt det flotte arbeidet dei gjer for bygda både innan omsorg og i hjelpekorpset. Vi fekk eit godt innsyn i det viktige arbeidet dei gjer.
22. oktober 2024
Rotary held fram kampen mot polio –
Rotary-klubber verden over held fram kampen mot polio, og no har innbyggjarane i Stranda og Sykkylven ei unik moglegheit til å bidra. Ved å gi til lokalt Vipps-nummer 134399 kan du bidra.
20. oktober 2024
Hvert bidrag teller i kampen mot polio! Visste du at når du gir penger til Polio plus, tredobles effekten av din gave? For hver krone du gir, matcher Bill og Melinda Gates med to kroner. Sammen kan vi stoppe polio én gang for alle! Vipps til 134399
19. oktober 2024
Fare for internasjonal spredning gjør fortsatt polio til en internasjonal folkehelsekrise, sier Verdens helseorganisasjon (WHO), som har som mål å utrydde polio innen 2027. Så lenge det fortsatt er i polio i verden, er det fare for spredning.
17. oktober 2024
«Polio er en fryktelig sykdom», sier Anita. Det er smerter, lammelser, operasjoner, seinskader. Kort sagt mye «tapt liv». «Vi må gjøre alt vi kan for å utrydde Polio!», fortsetter hun.
18. mai 2019
President Greta leia Presidenten sin time på beste vis, og fordelte orda mellom Geir Løseth, 3-minutt, og innkommande president Petter Velle, som orienterte om kommande Rotary-år 2019-2020
22. januar 2019
Friluftsmannen Terje Aurdal besøkte Sykkylven Rotaryklubb og tok medlemmene med på ein forvitneleg tur på ski, på sykkel og i kano frå Grense - Jakobselv i Finnmark, gjennom Finland og Sverige til Sulitjelma og heilt til Lindesnes.
Møtested: Bibliotekjelleren
Adresse: Pilgata 10, 6230 Sykkylven
Postnummer: 6230
Sted: Sykkylven
Land: NO
Møtedag: Onsdag
Møtetid: 19:00
Møtespråk: no
