Julemøte 17 desember 2025
Sykkylven Rotary Klubb; julemøte17. desember 2025, i lokalet til Sykkylven Frivilligsentral.
referat v/ Olav Pileberg.
1) President Kristin Grebstad ønska velkommen til klubbmedlemmene. Gjest: Kjetil Tandstad.
2) Allsong: «Det lyser i stille grender av tindrande ljos i kveld.» Olav P. ved pianoet. Pianisten, som også er ansvarleg for å velje allsong til møta, er noko betenkt over at lokalet ikkje har lagringsplass verken til Rotary sin gode gitar, eller dei mange mappene med songar som er komne til gjennom tjue år. Heller ikkje dei mange Rotary-vimplane til å pryde borda med er med på «flyttelasset». Vonlegvis finn vi ei løysing på dette også. Lokalet elles var koseleg og innbaud til lange møte!
3) Kåseri ved Kjetil Tandstad. Han har lang røynsle etter eit langt liv som journalist, og m.a. som redaktør for «Årbok for Sykkylven» i ei årrekke. I dette møtet delte han med oss i ti minutt tankar om bøker. Er det lenge sidan de las ei bok? -undrast han,- utan å få høyrbare svar. Det er visst «gått heilt av moten», som han sa. Då han tok med seg nokre sjølvskrivne bøker til bokhandlaren på Stranda for å få dei selde, var kommentaren… «Det er mange som skriv bøker, men ikkje mange som vil lese.» Vi scrollar på nettet. Henrik Wergeland si utsegn «Bokhyllen er den stige, du bliver din overmann lige.»…gjeld ikkje lenger. Barna har gått frå å vere «Sjarmtroll til å vere Skjermtroll.» Rett og slett: eit interessant kåseri til ettertanke i og om tida vi lever i. President Kristin meinte å ha registrert dei same tendensane,- sjølv om ho, heilt rett, peika på boka som populær presang under juletréet.
4) Kaffi og kaker var i dag bytta ut med bordvers «på juletonen» og eit rikhaldig «koldtbord», (sjå bilde!). Karamell-pudding med krem og kaffi etterpå. Du store tid! Til sist song vi, tradisjonen tru, «Deilig er jorden».
5) Orientering frå Presidenten: etter som Kristin og fleire skulle gå på konsert i kyrkja kl. 19, (Oddgeir Bruaset o.fl. kor, m.a.) vart møtet avslutta litt før kl. 19. Dei som sat att, kosa seg med «mat og prat» til fram mot 19.30.
6) God Jul og vel møtt i 2026, den 7. januar.
Referent: Olav Pileberg
3. februar 2017
Les referat frå Rotarymøte 25. januar:
Rotarymøte 25. januar der bl. a. Kjell Welle fortalte oss litt om teknikken bak dei forskjellige radiosignala.
26. januar 2017
Bedriftsbesøk ved Peterson Emballasje
Les Olav sitt referat frå Sykkylven Rotaryklubb sitt besøk ved Peterson Fabrikker her i Sykkylven
14. januar 2017
Politimester Ingar Bøen:
Les politimester Ingar Bøen sitt foredrag i Sykkylven Rotaryklubb der han orienterte om den nye Politireforma.
22. desember 2016
Julemøte i Sykkylven Rotaryklubb 21.des. 2016.
Les om det tradisjonelle Julemøtet i Sykkylven Rotaryklubb.
1. november 2016
Lars P. Riksheim Treindustrier
Les og sjå bilde frå Sykkylven Rotaryklubb sitt bedriftsbesøk 26. oktober 2016
23. oktober 2016
Verda sin poliodag 24. oktober
Sjå og les korleis SRK valgte å markere denne dagen.
22. oktober 2016
Guvernørbesøk og to nye medlemmer i SRK
Stranda Rotaryklubb inviterte til intercitymøte på Stranda Hotel, onsdag 19. oktober, i høve guvernørbesøk frå D 2305.
22. august 2016
Utvekslingsstudent frå Brasil til Sykkylven
Les om Daniel Pedroso som har kome den lange vegen frå Brasil til Sykkylven
2. august 2016
Verdenspresidenten i Rotary 2016/2017: John F. Germ
Les meir om den nye Verdenspresidenten på Nyhendesida vår.
7. juli 2016
President i SRK 2016-2017. Klubben har passert 60 år.
Ny president i Sykkylven Rotary Klubb 2016-2017 er Steven Blindheim. Presidentskiftet var 29. juni, og 6. juli leia Steven sitt første ordinære rotarymøte. Mellom anna orienterte han om klubben, som nettopp har passert sine 60 år. Charterdato er 5. juli.