Nyhetsdetaljer

Historietur i Sentrum v/Svein Aure.

Referat frå møte i Sykkylven Rotaryklubb onsdag 20.05.2026

Denne gongen var tema Tema: Historietur i Sentrum v/Svein Aure.

President Kristin Grebstad ønska alle velkomen til historietur i sentrum ved Svein Aure.

KORSBREKKEHUSET KYRKJEVEGEN 30. Lars O Korsbrekke f 1911 i Sunnylven, kom til Sykkylven like før krigen og fekk seg arbeid på Tynes Møbelfabrikk. Han gifte seg med Agnes Larsdotter Aure frå Philgarden i 1941. I 1950 bygde han opp ein større bustad og forretningsbygg ,«Korsbrekkehuset».

Første leigetakarane var bakar Jon Nerland. Bakeriet selte han til Karl Valderhaug i 1952. I huset har det vore bokhandel, Severin Grebstad sin kolonialbutikk, Utstyrsforretning blei starta av Agnes i 1954, postkontor, Det lille hus, Narvesen, frisørsalong og Storebrand. I 2 etasje er det framleis tannlegekontor.

Sidan 1993 har Lidvar Aure eigd huset.

DALEHUSET KYRKJEVEGEN 31

Peter Pettersen Melset var den første som bygde på denne tomta. Han kjøpte gamlehuset i Kapralgarden og flytta det hit tidleg i 1890 åra. Han dreiv som skreddar.

I 1902 overtok skomaker Petter Dale (1869 - 1965)

I 1932 - 1933 flytta han huset nærmare sjøen og bygde nytt bustad og forretningsbygg.

Gamlehuset blei leigd ut til Hans Slinning som var skreddar og seinare til fotograf PP Lyshol. Det vart rive ca.1980.

Petter Dale dreiv skomakerverkstad ,seinare også skobutikk. Arne Dale overtok drifta, og dreiv fram til 1988. Severin Grebstad dreiv kolonialbutikk i ein del av første etasje. I 1951 starta Petra Blindheim, dotter til Petter, glass og steintøybutikk som seinare blei utvida med leiketøy og blomster. Bjørg og Olav Kittang tok over denne butikken, P.Blindheim AS i 1975. Butikklokala vart utvida med eit tilbygg vestover i 1983.

Frå 2007 har Spar Elias Vinje leigd tilbygget.

Svein Aure fortalte videre om historia til VINJEHUSET Kyrkjevegen 33

På denne tomta stod eit ishus som gardbrukarane på Lyshol brukte til å lagre is frå Andestadvatnet. Isen vart saga i blokker om vinteren, frakta til ishuset på Aure og nedgreven i sagmask. Slik klarde dei å halde den kald. Om våren og sommaren vart isen seld til fiskeeksportørar i Ålesund.

I 1915 kjøpte Elias Jonsen Vinje (1883 - 1949) frå Stordal ishuset og tomta. Han var gift med Laura Thomasdatter Strømme (1896 - 1963) frå Grebstad.

Elias Vinje bygde huset i 1920. Han og kona dreiv hotell og gjestgiveri fram til 1960. I 1983 - 1984 utvida Elias Vinje jr butikklokala med eit tilbygg vestover.

I huset har det vore, Ishus, landhandel, skobutikk, hotell og gjestgiveri, Sykkylven bokhandel, og Elias Vinje daglegvare.

DROGERIET KYRKJEVEGEN 37

Det var Peter Sivertsen Grebstad og kona Anna Walderhaug Grebstad frå Kapralgarden på Aure som førte opp eit forretningsbygg på denne tomta i 1934. Anna som var poståpnar flytta då postkontoret frå Kapralgarden til det nye huset. På om lag same tid starta ho drogeriforretning med eit variert vareutval som strekte seg frå sportsartikler, glas og steintøy til parfymeartiklar.

Anna fekk og løyve til å drive medisinutsal, då dette var noko bygda mangla. Dyrlege Røyr og tannlege Fredrik Drabløs hadde og kontor i bygget. Huset strauk med i Aurebrannen i 1939, og eit enklare bygg vart oppført. Dottera Bodil W Aure tok over drifta i 1947 og heldt fram med medisinutsal. I 1982 tok Merete Aure over verksemda.

Nytt forretningsbygg blei ført opp og innflytta i 1986. i 1988 blei huset påbygd med 2 etasjer med bustadar. Same året fekk Sykkylven eige apotek, og sidan då har butikken vore eit reint parfymeri. I 2019 tok Syver Aure over drifta og driver butikken Skin Tonic.

VADHUSET KYRKJEVEGEN 39

Den fyrste som bygde på denne tomta var Martinus Bottolfsen Hjelle frå Nordfjord. Han bygde stovehus i 1893, men selde det til Severin K Eidem i 1900.

Petter Olaus Olsen Vad (1871 - 1954) flytta frå Stordal til Sykkylven i 1905 og kjøpte huset. Han gifte seg med Lovise f Aure i 1905 og reiste til Amerika i 1907. Kom heim i 1911 og dreiv skomakerverkstad.

Vadhuset strauk og med i den store Aurebrannen natt til 19 august 1939. Petter O Vad og svigersonen Olav Ramstad bygde nytt forretningsbygg i 3 etasjer, pluss kjellar og loft i 1943.

Her vart plass til forretningslokaler, fire store leilegheiter, pluss hybler på loftet.

Vadhuset er idag eigd av Oddbjørn og Synnøve Ramstad.

Her har det vore : Fotograf PP Lyshol, Vartdal Kurbad, Sev. Grebstad kolonial,Sykkylven Bokhandel, Sykkylven Drogeri, Marita Frisør, Siluett AS,Vad Mat og drikke, Safe Agentur,Focus Sport, Kronå på Verket, Dacapo Frisør og B.S.Aure AS.

Til slutt fortalte Svein Aure historia om HJØRNEGÅRDEN PILGATA 2.

Det var Andreas Aure , Pihl Andreas som byrja å bygge på denne tomta. Han var lastebileigar og entreprenør. Han hadde planer om å bygge hotell på tomta, men fekk problem med å reise kapital til bygging.

I 1980 kjøpte Oddvar Hjellegjerde, saman med brørne sine og Elias Vinje tomta. Dei bygde Hjørnegården. Hjørnegården stod ferdig i 1984 og Sko og Sportsnytt flytta då inn i nye lokale.

I Hjørnegården har følgjande halde til. Sko og Sportsnytt, Sunnmørsbanken, Nordea, Sykkylven lensmannskontor 1985-2009. Rekneskapskontor, Din Stil - Sko og reiseeffekter og Skohjørnet.

President Kristin Grebstad takka til slutt Svein Aure for ei god og interessant orientering om historia til dei eldre husa i Aure sentrum.

21.mai.2026

Skrivar Steven Blindheim

2. mai 2026

Rydding i kirkeparken

Dugnad i Kirkeparken

19. april 2026

Presentasjon av Høbben

Onsdag den 15. april fekk klubben besøk frå HØBBEN ungdomsklubb i Ullavika. Hanna, Hedda, Sofie og Kieu presenterte klubben på beste vis til eit lydhøyrt publikum.

9. april 2026

Sykkylven Rotaryklubb inviterte Severin Roald til foredrag. Tema: Kunsten å skape tillit.

Severin Roald som vaks opp i Sykkylven, men som no bur i Oslo.
Gjennom foredraget «Kunsten å skape tillit» ga han fleire nyttige råd til dei frammøtte.
Roald var blant anna innom 10 punkt for korleis ein kan skape tillit.

30. april 2025

RYLA seminar Ålesund

Referat fra RYLA seminar i Ålesund

26. april 2025

Kyrkjepark og Rotary-dugnad

Det nærmar seg både konfirmasjon og 17. mai, og tradisjonen tru stiller Sykkylven Rotary Klubb (SRK) opp med vårpuss i området ved kyrkja.

27. mars 2025

Medlemsmøter hos LK Hjelle 26 mars 2025

Bedriftsbesøket hos L. K. Hjelle Møbelfabrikk var frå starten av samling i møterom bak dei store og spennande glasflatene i arkitekturen som ein kunne sjå frå utsida. CEO dei siste fem åra, Jens Peter Brunstad, ønska velkommen til oss 23 frammøtte og pres